கிழவனும் கடலும் - நூல் அறிமுகம்.

வாசிப்பனுபவப் பகிரல்:-
தகடூர் புத்தகப் பேரவை - நூல் அறிமுகம் 

நூல் தலைப்பு: கிழவனும் கடலும் நூலாசிரியர்: எர்னெஸ்ட் ஹெமிங்வே. 

காலச்சுவடு பதிப்பகம்.
விலை ரூபாய் :95.
பக்கங்கள் 104.
நூல் அறிமுகம்: சிவம் முனுசாமி.

நேற்று நீதிமன்றத்தினுள் ஒரு கொடுமையான காத்திருப்பு நேரத்தில் இந்த புத்தகத்தை வாசிக்க எடுத்தேன்.  ஒரே மூச்சில் வாசித்தும் முடித்தேன்.

நூலாசிரியரின் நோபல் பரிசு பெற்ற நாவல் இது. சதாம் உசேன் தூக்கிலிடப்படும் முன் வாசிக்க கேட்ட புத்தகம் என்பது கூடுதல் தகவல். 

ஆசிரியர் அமெரிக்காவில் பிறந்தவர். செஞ்சிலுவை சங்கத்தின் மூலம் உலகப் போர்களில் பணியாற்றியவர். செய்தி நிருபராகவும் இருந்தவர். 1961இல் துப்பாக்கியால் சுட்டு தற்கொலை செய்து கொண்டார்.

Google மென்பொருளை பயன்படுத்தி மொழிமாற்றம் செய்து பெயருக்கு பின்னால் போட்டுக் கொள்ளும் சமகால மொழிபெயர்ப்பு நூல்களைப் போல் இல்லாமல் சிரத்தை எடுத்து நாவலை அதே உயிர்ப்போடு மொழிபெயர்த்து இருக்கிறார் எம்.எஸ் என்னும் சிவசுப்பிரமணியன். 

நாவல் ஒரு கிழவனுக்கும் மீனுக்கும் இடையே நடைபெறும் உயிர் போராட்டத்தை விவரிக்கிறது. 

இன்னொரு முகத்தில் பார்த்தால் இயற்கைக்கும் மனிதனுக்குமான போராட்டமாக தெரிகிறது. 

சாந்தியாகோ என்கிற ஒரு கிழவனும் அவன் பிடித்து ஒரு மீனும் மட்டும்தான் நாவல் முழுக்க வியாபித்திருக்கிறது. துணைக் கதா பத்திரமாக ஒரு சிறுவன். 

85 வயது அடைந்த கிழவன் தனித்து வாழ்கிறான். ஒரு குடிசையும், ஒரு மீன்பிடி சிறு படகும்தான் அவனது வாழ்வாதாரம். 

தொடர்ந்து 85 நாட்களாக கடலுக்குச் சென்று வெறுங்கையுடன் கிழவன் திரும்புகிறான். அதனால் அவனுக்கு உதவியாக இருந்த ஒரே ஒரு சிறுவனையும் கிழவன் அதிர்ஷ்டம் இல்லாதவன் என்று கூறி வேறு படகுக்கு மாற்றி விடுகிறார்கள் சிறுவனின் பெற்றோர். 

கிழவனின் திறமை மீது சிறுவனுக்கு எந்த சந்தேகமும் இல்லை ஆனாலும் பெற்றோரின் பேச்சை மறுக்க முடியாமல் அரைமனதுடன் வேறு படகுக்கு போகிறான்.  இருந்தாலும் அந்த கிழவனை நேசிக்கும் ஒரே ஜீவனாக அந்த சிறுவன் இருக்கிறான்.

தள்ளாத வயதிலும் தளரா நம்பிக்கையோடு தனித்து படகோடு கிளம்பும் கிழவன் ஒரு நாளில் ஒரு மிகப்பெரிய மீனையும் பிடித்து விடுகிறான் ஆனால் அதை கரைக்கு கொண்டு வருவதற்குள் அசாத்திய போராட்டத்தை வெளிப்படுத்த வேண்டி வருகிறது.  அத்தனையும் வெளிப்படுத்தி கரைக்கு வந்தானா? அவன் திறமையை ஊர் மெச்சியதா? என்பதே புத்தகத்தின் மீதிக் கதை. 

இந்த நாவலை ஒரு விதத்தில் சூழலியல் நூல் என்று கூட சொல்லலாம். கடலும் கடல் சார்ந்த வாழ்வியலையும் அத்தனை தெளிவாக எடுத்துரைக்கிறது. 

"மனிதனை வீழ்த்திவிட முடியும் ஆனால் தோற்கடிக்க முடியாது" என்ற கிழவனின் வார்த்தையும், அவரின் வாழ்வும் ஆயிரம் தன்னம்பிக்கை புத்தகங்களுக்கு சமம். 

வாசித்துப் பயன்பெறுங்கள். 

#சிமு 🖤

Comments

Post a Comment

Popular posts from this blog

Smoke and Ashes - நூல் அறிமுகம்.

Image
Smoke and Ashes Amitav Ghosh நூலனுபவம்: எனக்குத் தேநீர் அவ்வளவாகப் பிடிக்காது. சிறுவயதில் காப்பி குடித்து வளர்ந்தவன். இன்று யோசித்துப் பார்க்கையில், அதுவுமே, ஒரு அபத்தமான வழக்கமாகத்தான் தோன்றுகிறது. ஆனாலும், அது காலையில் தவிர்க்க முடியாத வழக்கமாக உள்ளது என்பது உண்மை. உலகின் பெரும்பான்மையான மக்களும், பெரும்பான்மை இந்தியர்களும் குடிப்பது தேநீர்தான். ஆனால், இந்த பயிர், இன்னொரு பயிருடன் இணைந்து, உலகை இரண்டு மூன்று நூற்றாண்டுகளாக ஆட்டிப் படைத்திருக்கிறது என்பதை அமிதாவ் கோஷ் சொல்கையில். ‘என்னைய்யா கத விடறார்’, னு தோன்றும். ஆனால், அதுதான் உண்மை என்கிறது அமிதாவ் கோஷின், ’Smoke and Ashes’, புத்தகம். அமிதாவ் கோஷ் உலக இலக்கியத்தில் மிக முக்கியமான ஆளுமை. இந்தியாவில், இலக்கியத்துக்காக வழங்கப்படும் உயரிய விருதான, ‘ஞானபீட’, பரிசைப் பெற்றவர். இவரது Ibis Trilogy என அழைக்கப்படும், ‘Sea of Poppies’, ‘River of Smoke’ and ‘Flood of Fire’, என்னும் புகழ் பெற்ற நாவல் வரிசையை எழுதியவர். இந்த நாவல்களுக்காக அவர் செய்த ஆய்வுகளை, ஒரு வரலாற்றுக் குறிப்பாக ‘Smoke and Ashes’, என்னும்  இந்தப் புத்தகத்த...
Read more

உணவு சுற்றுலா - நூல் அறிமுகம்.

Image
உணவு சுற்றுலா நூலின் தலைப்பு: உணவு சுற்றுலா  ஆசிரியர்: மருத்துவர் வி. விக்ரம் குமார்  வெளியீடு: இந்து தமிழ் திசை  விலை: ₹200 "உணவுப் பொருளைத் திருத்தத் தெரிந்தால் உடலைப் பேணத் தெரியும்" என்பது பாவேந்தரின் வாக்கு. உணவு என்பது வெறும் நாவிற்கான சுவை மட்டுமல்ல; அது ஒரு நிலத்தின் பண்பாடு, வரலாறு மற்றும் தட்பவெப்பநிலையோடு பின்னிப் பிணைந்த ஓர் அறிவியல். அந்த உயரிய வாழ்வியல் மெய்யியலை, ஒரு மருத்துவரின் நுட்பமான தேடலோடும், ஒரு பயணியின் ரசனையோடும் பதிவு செய்துள்ளார் மருத்துவர் வி. விக்ரம் குமார். 'இந்து தமிழ் திசை' வெளியீடாக வந்துள்ள இந்நூல், நம் மண்ணின் மறைந்து வரும் சுவைகளை மீட்டெடுக்கும் ஒரு அரிய ஆவணப் பதிவாகும். ஒவ்வொரு நிலப்பரப்பிலும் விளையும் பொருட்களுக்கு என்று ஒரு தனித்துவமான குணமுண்டு. எந்தக் காலத்தில் எதை உண்ண வேண்டும், எதனைத் தவிர்க்க வேண்டும் என்ற தெளிவான பகுத்தறிவோடு உணவைக் கையாளுவதே 'உணவுத் திருத்தம்' ஆகும். பொதுவாக, ருசியான பண்டங்கள் ஆரோக்கியத்திற்கு உகந்தவை அல்ல என்ற ஒரு பொதுப் பிம்பம் உண்டு. ஆனால், ஒரு மருத்துவராகத் தான் கண்டடைந்த உண்மைகளின்...
Read more

கற்பது உலகளவு - நூல் அறிமுகம்.

Image
தகடூர் புத்தகப் பேரவை நூல் அறிமுகம். நூல்: கற்பது உலகளவு  கல்வியாளர் தா.நெடுஞ்செழியன் விகடன் பிரசுரம். நூல் அறிமுகம்: இ. தங்கமணி . --------+++++++------++------- கல்விதான் சமூகத்துக்கு வேர். ஒரு தேசம் கல்வியை எவ்வாறு புரிந்து கொள்கிறது, அடுத்த தலைமுறைக்கு எப்படி கல்வியை எடுத்து செல்கிறது என்பதில்தான் அத்தேசத்தின் வளர்ச்சியும் பொருளாதார முன்னேற்றமும் அடங்கி இருக்கிறது. கல்வி என்பது ஓர் இனிமையான பயணம். ஒரு குழந்தை பிறந்ததும் எப்படி இயல்பாக மொழியை கற்றுக் கொள்கிறதோ அப்படி ஒரு நிகழ்வுதான் கல்வியும்.  இந்தியாவைப் பொறுத்தவரை கல்வி அறிவு பெற்று மனிதவளம் மிகுந்திருப்பது தமிழகத்தில்தான். கல்வியை முறைப்படுத்தி தகுந்த தரத்தில் வழங்கினால் தமிழகம் உலகத்தை வழிநடத்தும் வல்லமை பெறும். புதிய தொழில்நுட்பங்கள் வரவர அதற்கு ஏற்ப திட்டங்களையும் கற்பித்தல் முறைகளையும் உருவாக்க வேண்டும். மாணவர்கள் உலகளாவிய வாய்ப்புகளுக்கு எப்படி எல்லாம் தங்களை தயார் செய்து கொள்ள வேண்டும். பொருத்தமான கல்வியை எவ்வாறு தேர்வு செய்வது என்றெல்லாம் விரிவாக பேசுகிறது இந்நூல்.  நூலாசிரியர் தா.நெடுஞ்செழியன் ...
Read more