ஹைக்கூ வாசிக்கிறார் புத்தர் - நூல் அறிமுகம்.

தகடூர் புத்தகப் பேரவை - நூல் அறிமுகம் -32
நாள்: 2 .10. 2024.

நூல்: ஹைக்கூ வாசிக்கிறார் புத்தர்
நூலாசிரியர் : செ. தமிழ் ராஜ்
நூல் அறிமுகம் : கா. பாண்டிச்செல்வி
( செம்மலர் மாத இதழ்) 
மானுட சிந்தனைப் பதிப்பகம், வண்டியூர், மதுரை -20
விலை: ரூ100.
     மானுட சிந்தனைப் பதிப்பகம் வெளியிட்ட கவிஞர் தமிழ் ராஜ் அவர்களின் ஹைக்கூ வாசிக்கிறார் புத்தர் கவிதை நூல் வித்தியாசமான வாசிக்கத் துண்டும் தலைப்பு. பொதுவாகவே ஹைக்கூ கவிஞர்கள்,  இயற்கை சார்ந்த கவிதைகளைத்தான் அதிகம் படைக்கிறார்கள்.  இதற்கு நமது கவிஞர் தமிழ் ராஜா அவர்களும் விதிவிலக்கல்ல.  பெரும்பாலான கவிதைகள் இயற்கையைப் பாடுகின்றன. 

நதியினில் தள்ளாடும் படகு 
சிறகுகளால் துடுப்பிசைக்கும் பறவைகள் 
தலைகீழாய் நேரில் ஆடுகிறது பனை காட்சிப் பிழை 
படகோட்டியிடம் பாடல் ஒன்றை இசைத்து மீன்களைக் கைப்பற்றும் பறவைகள் 
அழகியழைப் பேசும் இக்கவிதைகள். வாசிக்கும் போதே அந்தக் காட்சியில் ஒன்றிப் போகும் மனசு.  இதுவே பாடு பொருளுக்கும் கவிஞருக்கும் கிடைத்த வெற்றி.
 மூன்று வரிகளே நியதி என்பதால்தானோ ஹைக்கூ கவிஞர்கள் பறவை, மரம், மீன், கடல், ஆகாயமென எழுதுகிறார்கள். அதற்கு ஒரு சிந்தனை, லயிப்பு, ரசிப்பு வேண்டும். அது என் நூலாசிரியரிடம் நிறைவே கிடக்கு.

    சொல்லப்படும் மூன்று வரிகளில் உருவத்தையும் உள்ளடக்கத்தையும் சிதையாமல் கவி படைக்க மெனக்கெட்டுள்ளார். அதிலிருந்து மானுட சமூக அவலங்களையும் பாடுகிறார் நூலாசிரியர்.

வாடகை வீட்டில் 
வசித்துச் சாகின்ற ஏழைக்கு 
கொடுங்கனவாய் குருவிக்கூடு

வனமிழந்த கோபம் 
யானையிடம் மிதிப்படுகிறது 
மானுட வாழ்வு

அரசு அலுவலகங்களில் 
கொடி காசுகளில் 
தலைக் கவிழ்கிறார் காந்தி 

இவையெல்லாம் நாம் அன்றாட வாழ்வில் அனுபவிக்கும் அவஸ்தைகள் தான். நாம் புலம்பி விட்டு புலம்பெயர்வோம். ஆனால் ஒரு படைப்பு மனம் சும்மா இருக்காது. தமிழ் ராஜ் போன்ற படைப்பாளிகள் சிக்குண்ட வாழ்வில் இருந்த போதிலும் அதையும் படைப்பிலக்கியத்தில் கொண்டு வருவது அவரின் ஆளுமை. 
 
 இவரது படைப்புலகம் இயற்கையைத் தாண்டி மானுட வாழ்வியலின் புறம்,  அகம் சமூக சீர்கேடுகள் மீதான கோவதாபங்களை மூன்று வரிகளில் பார்க்க முடிகின்றது. உயிரற்றவைக்கும் உயிர் கொடுக்கும் இவரது எழுத்துக்கள் வாசிப்பவரையும் உணர்ச்சி வசப்படச் செய்கிறது.

 இறந்த காலத்தை பேசுகிறார்...

 மூதாட்டி உணர்ச்சியற்றுக் கேட்கிறது 
ஊன்றுகோல் 

இதுபோன்ற தெறிப்பு மிக்க கவிதைகள் இருந்தாலும் சில கவிதைகள் விடுகதையாக, உரையாடலாக உலா வருகின்றன.  வடிவமைப்பில் இன்னும் சிரத்தை எடுத்திருக்கலாம். இருபதாண்டுகள் கழித்து மீண்டும் ஹைக்கூ பெருங்கடலில் மூழ்கியுள்ள கவிஞர் தமிழ் ராஜா அவர்கள் எத்தனை முத்துக்கள் எடுக்கின்றார், புத்தர் எந்தக் கவிதையை வாசிக்கிறார் என்று புத்தகம் வாசித்து தெரிந்து கொள்ளுங்கள்.

Comments

Post a Comment

Popular posts from this blog

Smoke and Ashes - நூல் அறிமுகம்.

Image
Smoke and Ashes Amitav Ghosh நூலனுபவம்: எனக்குத் தேநீர் அவ்வளவாகப் பிடிக்காது. சிறுவயதில் காப்பி குடித்து வளர்ந்தவன். இன்று யோசித்துப் பார்க்கையில், அதுவுமே, ஒரு அபத்தமான வழக்கமாகத்தான் தோன்றுகிறது. ஆனாலும், அது காலையில் தவிர்க்க முடியாத வழக்கமாக உள்ளது என்பது உண்மை. உலகின் பெரும்பான்மையான மக்களும், பெரும்பான்மை இந்தியர்களும் குடிப்பது தேநீர்தான். ஆனால், இந்த பயிர், இன்னொரு பயிருடன் இணைந்து, உலகை இரண்டு மூன்று நூற்றாண்டுகளாக ஆட்டிப் படைத்திருக்கிறது என்பதை அமிதாவ் கோஷ் சொல்கையில். ‘என்னைய்யா கத விடறார்’, னு தோன்றும். ஆனால், அதுதான் உண்மை என்கிறது அமிதாவ் கோஷின், ’Smoke and Ashes’, புத்தகம். அமிதாவ் கோஷ் உலக இலக்கியத்தில் மிக முக்கியமான ஆளுமை. இந்தியாவில், இலக்கியத்துக்காக வழங்கப்படும் உயரிய விருதான, ‘ஞானபீட’, பரிசைப் பெற்றவர். இவரது Ibis Trilogy என அழைக்கப்படும், ‘Sea of Poppies’, ‘River of Smoke’ and ‘Flood of Fire’, என்னும் புகழ் பெற்ற நாவல் வரிசையை எழுதியவர். இந்த நாவல்களுக்காக அவர் செய்த ஆய்வுகளை, ஒரு வரலாற்றுக் குறிப்பாக ‘Smoke and Ashes’, என்னும்  இந்தப் புத்தகத்த...
Read more

உணவு சுற்றுலா - நூல் அறிமுகம்.

Image
உணவு சுற்றுலா நூலின் தலைப்பு: உணவு சுற்றுலா  ஆசிரியர்: மருத்துவர் வி. விக்ரம் குமார்  வெளியீடு: இந்து தமிழ் திசை  விலை: ₹200 "உணவுப் பொருளைத் திருத்தத் தெரிந்தால் உடலைப் பேணத் தெரியும்" என்பது பாவேந்தரின் வாக்கு. உணவு என்பது வெறும் நாவிற்கான சுவை மட்டுமல்ல; அது ஒரு நிலத்தின் பண்பாடு, வரலாறு மற்றும் தட்பவெப்பநிலையோடு பின்னிப் பிணைந்த ஓர் அறிவியல். அந்த உயரிய வாழ்வியல் மெய்யியலை, ஒரு மருத்துவரின் நுட்பமான தேடலோடும், ஒரு பயணியின் ரசனையோடும் பதிவு செய்துள்ளார் மருத்துவர் வி. விக்ரம் குமார். 'இந்து தமிழ் திசை' வெளியீடாக வந்துள்ள இந்நூல், நம் மண்ணின் மறைந்து வரும் சுவைகளை மீட்டெடுக்கும் ஒரு அரிய ஆவணப் பதிவாகும். ஒவ்வொரு நிலப்பரப்பிலும் விளையும் பொருட்களுக்கு என்று ஒரு தனித்துவமான குணமுண்டு. எந்தக் காலத்தில் எதை உண்ண வேண்டும், எதனைத் தவிர்க்க வேண்டும் என்ற தெளிவான பகுத்தறிவோடு உணவைக் கையாளுவதே 'உணவுத் திருத்தம்' ஆகும். பொதுவாக, ருசியான பண்டங்கள் ஆரோக்கியத்திற்கு உகந்தவை அல்ல என்ற ஒரு பொதுப் பிம்பம் உண்டு. ஆனால், ஒரு மருத்துவராகத் தான் கண்டடைந்த உண்மைகளின்...
Read more

கற்பது உலகளவு - நூல் அறிமுகம்.

Image
தகடூர் புத்தகப் பேரவை நூல் அறிமுகம். நூல்: கற்பது உலகளவு  கல்வியாளர் தா.நெடுஞ்செழியன் விகடன் பிரசுரம். நூல் அறிமுகம்: இ. தங்கமணி . --------+++++++------++------- கல்விதான் சமூகத்துக்கு வேர். ஒரு தேசம் கல்வியை எவ்வாறு புரிந்து கொள்கிறது, அடுத்த தலைமுறைக்கு எப்படி கல்வியை எடுத்து செல்கிறது என்பதில்தான் அத்தேசத்தின் வளர்ச்சியும் பொருளாதார முன்னேற்றமும் அடங்கி இருக்கிறது. கல்வி என்பது ஓர் இனிமையான பயணம். ஒரு குழந்தை பிறந்ததும் எப்படி இயல்பாக மொழியை கற்றுக் கொள்கிறதோ அப்படி ஒரு நிகழ்வுதான் கல்வியும்.  இந்தியாவைப் பொறுத்தவரை கல்வி அறிவு பெற்று மனிதவளம் மிகுந்திருப்பது தமிழகத்தில்தான். கல்வியை முறைப்படுத்தி தகுந்த தரத்தில் வழங்கினால் தமிழகம் உலகத்தை வழிநடத்தும் வல்லமை பெறும். புதிய தொழில்நுட்பங்கள் வரவர அதற்கு ஏற்ப திட்டங்களையும் கற்பித்தல் முறைகளையும் உருவாக்க வேண்டும். மாணவர்கள் உலகளாவிய வாய்ப்புகளுக்கு எப்படி எல்லாம் தங்களை தயார் செய்து கொள்ள வேண்டும். பொருத்தமான கல்வியை எவ்வாறு தேர்வு செய்வது என்றெல்லாம் விரிவாக பேசுகிறது இந்நூல்.  நூலாசிரியர் தா.நெடுஞ்செழியன் ...
Read more