ஓராயிரம் சிறகுகள் - நூல் அறிமுகம்

தகடூர் புத்தகப் பேரவை - நூல் அறிமுகம் 7: 
நூல்: ஓராயிரம் சிறகுகள்
எழுத்தாளர் - வெ. இறையன்பு
வெளியீடு - கற்பகம் புத்தகாலயம் 
விலை - 200
நூல் அறிமுகம் - செவ்வந்தி துரை.

ஓராயிரம் சிறகுகள் என்ற நூலில் நமக்கும் ஓராயிரம் புது சிறகுகளை முளைக்க வைக்கும் அளவுக்கான விசயங்கள் உள்ளன. வாழ்க்கையை வாழ்ந்து பார் என்பார்கள். ஆனால் எப்படி வாழ்வது என்பதைதான் கால ஓட்டத்தில் மறந்து விட்டோம். இந்த புத்தகம் நம் மறதியை சரி செய்யும் அளவுக்கானது. பத்து வகையான தலைப்புகள் மூலம் உலகையே சுற்றி காட்டுகிறார். மனித குணங்களையும் செயல்களையும் புரிய வைக்கிறார் 
எதெல்லாம் நமக்கு சரி, எதெல்லாம் தவறு என்று சொல்கிறார். பழக்கங்களை உருவாகும் முறை சொல்கிறார். எதற்கெல்லாம் உறுதி தேவை என்று விளங்க வைக்கிறார்.

கனவு, வாய்ப்பு, விழிப்புணர்வு, அத்துமீறல், எளிமை என்று அத்தியாவசியமான பல விசயங்களை பற்றி விரிவாக எழுதி இருக்கிறார். 
அடித்து உதைத்து சொல்லாமல் அழகிய வார்த்தைகளால் புரிய வைக்கும் ஓர் இனிய ஆசிரியராகவே மாறி விடுகிறது இப்புத்தகம். வாய்ப்புகள் அனைத்தும் தற்காலிகமே. அழகும் இளமையும் கூட வாய்ப்புகள். அந்த வாய்ப்பும் தற்காலிகமே. எண்ணங்களே பழக்கங்கள் ஆகின்றன. பழக்கங்களே நம் வாழ்வின் பாதைகளை தீர்மானிக்கின்றன என்று புத்தகம் உணர்த்துகிறது.
"விழிப்புணர்வு உள்ளவர்கள் ஒழுக்கத்துடன் மட்டுமல்ல சுயக்கட்டுப்பாட்டோ டும் இருப்பார்கள். சமூகத்தை மீறி அவர்கள் சிந்திக்க தொடங்குவார்கள். கையூட்டுக்காக அவர்கள் கையேந்த மாட்டார்கள். கலப்படம் செய்து பணம் சம்பாதிக்க நினைக்க மாட்டார்கள். கள்ள சந்தையில் பொருட்கள் விற்க மாட்டார்கள்." என்று புரிய வைக்கிறார்.

தப்பிப்பது வேறு. விடுதலை வேறு. ஒரு தீய பழக்கத்திலிருந்து தப்பிக்க நினைப்பதற்கு பதிலாக விடுதலை பெற நினைக்க வேண்டும். "தப்பிப்பது தவறான நண்பர்களால் சாத்தியம். ஆனால் விடுதலை அடைவதற்கு உண்மையான நண்பர்கள் அவசியம். தத்துவரீதியாக பார்த்தால் தப்பித்தல் அடுத்தவர்களிட மிருந்து நிகழ்கிறது. விடுதலை நம்மிடமிருந்தே நாம் பெறுவது." என்று விளக்கி சொல்கிறார்.

"மனைவியோடு சண்டை என்று சிறு பிரச்சனைக்கு மது அருந்த தொடங்கியவர்கள் கடன் தொல்லை, கல்லீரல் பிரச்சனை என்று பெரும் தொல்லைகளில் மாட்டிக் கொள்கிறார்கள்." பிரச்சனைகளை சரி செய்யாமல் தப்பிக்க முயன்றால் அது எவ்வளவு பெரிய தலைவலிகளை இழுத்து விடுகிறது என்று எளிமையான உதாரணங்கள் மூலம் அறிய வைக்கிறார்.
"உண்மையாக இருப்பவர்கள் தப்பிக்க வேண்டிய தேவையில்லை. மூகமூடிகளை அவர்கள் அணிவதில்லை." தாழ்வு மனப்பான்மைக்கு தெளிவான காரணம் சொல்கிறார். 

மொத்தத்தில் புத்தகத்தில் உள்ள ஒவ்வொரு வரிகளும் நமக்கு அவசியமானவைகளாவே இருக்கின்றன.
குறிப்பாக சமூகத்தையும் வாழ்க்கையையும் இன்னும் முழுமையாக படித்திராத, வருங்கால தலைமுறைக்கு இப்புத்தகத்தோடு சேர்த்து வெ.இறையன்பு ஐயாவின் மற்ற அனைத்து நூல்களையும் படிக்க சொல்லி பரிந்துரைக்கிறேன்.

 நன்றி.
 07.09.2024

Comments

Post a Comment

Popular posts from this blog

Smoke and Ashes - நூல் அறிமுகம்.

Image
Smoke and Ashes Amitav Ghosh நூலனுபவம்: எனக்குத் தேநீர் அவ்வளவாகப் பிடிக்காது. சிறுவயதில் காப்பி குடித்து வளர்ந்தவன். இன்று யோசித்துப் பார்க்கையில், அதுவுமே, ஒரு அபத்தமான வழக்கமாகத்தான் தோன்றுகிறது. ஆனாலும், அது காலையில் தவிர்க்க முடியாத வழக்கமாக உள்ளது என்பது உண்மை. உலகின் பெரும்பான்மையான மக்களும், பெரும்பான்மை இந்தியர்களும் குடிப்பது தேநீர்தான். ஆனால், இந்த பயிர், இன்னொரு பயிருடன் இணைந்து, உலகை இரண்டு மூன்று நூற்றாண்டுகளாக ஆட்டிப் படைத்திருக்கிறது என்பதை அமிதாவ் கோஷ் சொல்கையில். ‘என்னைய்யா கத விடறார்’, னு தோன்றும். ஆனால், அதுதான் உண்மை என்கிறது அமிதாவ் கோஷின், ’Smoke and Ashes’, புத்தகம். அமிதாவ் கோஷ் உலக இலக்கியத்தில் மிக முக்கியமான ஆளுமை. இந்தியாவில், இலக்கியத்துக்காக வழங்கப்படும் உயரிய விருதான, ‘ஞானபீட’, பரிசைப் பெற்றவர். இவரது Ibis Trilogy என அழைக்கப்படும், ‘Sea of Poppies’, ‘River of Smoke’ and ‘Flood of Fire’, என்னும் புகழ் பெற்ற நாவல் வரிசையை எழுதியவர். இந்த நாவல்களுக்காக அவர் செய்த ஆய்வுகளை, ஒரு வரலாற்றுக் குறிப்பாக ‘Smoke and Ashes’, என்னும்  இந்தப் புத்தகத்த...
Read more

உணவு சுற்றுலா - நூல் அறிமுகம்.

Image
உணவு சுற்றுலா நூலின் தலைப்பு: உணவு சுற்றுலா  ஆசிரியர்: மருத்துவர் வி. விக்ரம் குமார்  வெளியீடு: இந்து தமிழ் திசை  விலை: ₹200 "உணவுப் பொருளைத் திருத்தத் தெரிந்தால் உடலைப் பேணத் தெரியும்" என்பது பாவேந்தரின் வாக்கு. உணவு என்பது வெறும் நாவிற்கான சுவை மட்டுமல்ல; அது ஒரு நிலத்தின் பண்பாடு, வரலாறு மற்றும் தட்பவெப்பநிலையோடு பின்னிப் பிணைந்த ஓர் அறிவியல். அந்த உயரிய வாழ்வியல் மெய்யியலை, ஒரு மருத்துவரின் நுட்பமான தேடலோடும், ஒரு பயணியின் ரசனையோடும் பதிவு செய்துள்ளார் மருத்துவர் வி. விக்ரம் குமார். 'இந்து தமிழ் திசை' வெளியீடாக வந்துள்ள இந்நூல், நம் மண்ணின் மறைந்து வரும் சுவைகளை மீட்டெடுக்கும் ஒரு அரிய ஆவணப் பதிவாகும். ஒவ்வொரு நிலப்பரப்பிலும் விளையும் பொருட்களுக்கு என்று ஒரு தனித்துவமான குணமுண்டு. எந்தக் காலத்தில் எதை உண்ண வேண்டும், எதனைத் தவிர்க்க வேண்டும் என்ற தெளிவான பகுத்தறிவோடு உணவைக் கையாளுவதே 'உணவுத் திருத்தம்' ஆகும். பொதுவாக, ருசியான பண்டங்கள் ஆரோக்கியத்திற்கு உகந்தவை அல்ல என்ற ஒரு பொதுப் பிம்பம் உண்டு. ஆனால், ஒரு மருத்துவராகத் தான் கண்டடைந்த உண்மைகளின்...
Read more

கற்பது உலகளவு - நூல் அறிமுகம்.

Image
தகடூர் புத்தகப் பேரவை நூல் அறிமுகம். நூல்: கற்பது உலகளவு  கல்வியாளர் தா.நெடுஞ்செழியன் விகடன் பிரசுரம். நூல் அறிமுகம்: இ. தங்கமணி . --------+++++++------++------- கல்விதான் சமூகத்துக்கு வேர். ஒரு தேசம் கல்வியை எவ்வாறு புரிந்து கொள்கிறது, அடுத்த தலைமுறைக்கு எப்படி கல்வியை எடுத்து செல்கிறது என்பதில்தான் அத்தேசத்தின் வளர்ச்சியும் பொருளாதார முன்னேற்றமும் அடங்கி இருக்கிறது. கல்வி என்பது ஓர் இனிமையான பயணம். ஒரு குழந்தை பிறந்ததும் எப்படி இயல்பாக மொழியை கற்றுக் கொள்கிறதோ அப்படி ஒரு நிகழ்வுதான் கல்வியும்.  இந்தியாவைப் பொறுத்தவரை கல்வி அறிவு பெற்று மனிதவளம் மிகுந்திருப்பது தமிழகத்தில்தான். கல்வியை முறைப்படுத்தி தகுந்த தரத்தில் வழங்கினால் தமிழகம் உலகத்தை வழிநடத்தும் வல்லமை பெறும். புதிய தொழில்நுட்பங்கள் வரவர அதற்கு ஏற்ப திட்டங்களையும் கற்பித்தல் முறைகளையும் உருவாக்க வேண்டும். மாணவர்கள் உலகளாவிய வாய்ப்புகளுக்கு எப்படி எல்லாம் தங்களை தயார் செய்து கொள்ள வேண்டும். பொருத்தமான கல்வியை எவ்வாறு தேர்வு செய்வது என்றெல்லாம் விரிவாக பேசுகிறது இந்நூல்.  நூலாசிரியர் தா.நெடுஞ்செழியன் ...
Read more