தொல்லியல் நோக்கில் குருமன்ஸ் பழங்குடி - நூல் அறிமுகம்.

தகடூர் புத்தகப் பேரவை - நூல் அறிமுகம் -22
நாள்: 22.09.24 
நூல்: தொல்லியல் நோக்கில் குருமன்ஸ் பழங்குடி

 நூலாசிரியர்: முனைவர் தி.சுப்பிரமணியன்
நூல் அறிமுகம்: ம.சிங்காரவேல்

ஒரு ஊர்ல ஒரு ராஜா இருந்தானாம் என பாட்டி சொன்ன கதையை நாம் நேரில் பார்க்கும் வாய்ப்பு  நிஜமானால் எப்படி இருக்கும் என யோசித்தால்...
 நிஜத்தை பார்க்க இந்த அருமையான  புத்தகத்தை வாசிக்கலாம்.
 தருமபுரி மாவட்டம் இந்திய வரலாற்றில் 4000 ஆண்டுகளாக நின்று நிலைப்பெற்று வருவது மட்டுமல்லாமல்,  தருமபுரி மாவட்டத்தில் உள்ள கிராமங்கள் ஒவ்வொன்றிலும் நடுகல் வழிபாடு இன்றும் தொடர்ந்து நடைபெற்றுக் கொண்டு வருகிறது.

ஒரு கேள்வி?
 நாம் ஏன் நம்முடைய மூதாதையர்களை திருவிழா மற்றும் முக்கியமான நாட்களில் அவர்களுக்கு பிடித்த பொருட்களை வைத்து வழிபடுகிறோம்?
குலதெய்வம் எப்படி வந்தது? நமக்கென குலதெய்வம் ஏன் இருக்கின்றது? 
நாம் ஏன் கிராமங்களில் திருவிழாக்களை கொண்டாடுகிறோம்?
அதன் பண்பாடு இன்றளவும் என் தொடர்கிறது? 
இனக்குழு சமுதாயம் எப்படி இம்மண்ணில் இன்னும் உயிர்ப்புடன் தங்களின் பண்பாட்டுக் கூறுகளை கைக்கொள்கின்கின்றன - என்பதையும் தருமபுரி மாவட்டத்தில் சங்க காலம் தொட்டு இக்காலம் வரை உள்ள வரலாற்றினை கள ஆய்வு,
 தொல்லியல் ஆய்வு மற்றும் சங்க இலக்கிய பாடலான அகநானூற்று பாடல் வழி இம்மண்ணின் 4000 ஆண்டு பழமையான   வரலாற்றினை மிகச் சிறப்பான தன்னுடைய தொல்லியல் ஆய்வுமுறைமை மற்றும் இன வரவியல் மானுடவியல் நோக்கில் ஆவணப்படுத்தி இருக்கிறார் முனைவர் தி சுப்பிரமணியன் ஐயா அவர்கள்.

 இந்நூலை வாசிப்பதன் மூலம் கர்நாடகம் தொடங்கி தருமபுரியில் இருந்து மீண்டும் உதகமண்டலம் வழியாக கர்நாடக வரை ஆதி இனக்குழுக்கள் நாடோடிகளாக இம் மண்ணில் தாங்கள் கற்றதை பெற்றதை இம்மண்ணில், வாழும் வரலாறாக, விட்டு சென்றிருக்கிறார்கள் என அறிந்து நமது அறிவெல்லையை விரிவாக்கிக் கொள்ளலாம்.
இம்மண்ணில் வாழ்ந்த பழங்குடி மக்களின் சமுதாய அமைப்பு ,கால்நடை வளர்ப்பு, தாய் வழி சமுதாயம், குலக்குறி வழிபாடு, நிர்வாக அமைப்பு, போன்றவற்றையெல்லாம் மிக சிறப்பாக ஆவணப்படுத்தி இருக்கிறார்.

தாய் மொழியின் மீதும் , இம்மண்ணின் வரலாற்றின் மீதும் நாம் எப்படி உருவானோம்? ஏன் இங்கு இருக்கிறோம்? என்பது குறித்து அறிய தெரிய விரும்புகிற வாசகர்கள் கட்டாயம் தங்களின் இல்லத்தில் வைத்திருக்க வேண்டிய மிக முக்கியமான ஒரு நூல் இது.

Comments

Post a Comment

Popular posts from this blog

Smoke and Ashes - நூல் அறிமுகம்.

Image
Smoke and Ashes Amitav Ghosh நூலனுபவம்: எனக்குத் தேநீர் அவ்வளவாகப் பிடிக்காது. சிறுவயதில் காப்பி குடித்து வளர்ந்தவன். இன்று யோசித்துப் பார்க்கையில், அதுவுமே, ஒரு அபத்தமான வழக்கமாகத்தான் தோன்றுகிறது. ஆனாலும், அது காலையில் தவிர்க்க முடியாத வழக்கமாக உள்ளது என்பது உண்மை. உலகின் பெரும்பான்மையான மக்களும், பெரும்பான்மை இந்தியர்களும் குடிப்பது தேநீர்தான். ஆனால், இந்த பயிர், இன்னொரு பயிருடன் இணைந்து, உலகை இரண்டு மூன்று நூற்றாண்டுகளாக ஆட்டிப் படைத்திருக்கிறது என்பதை அமிதாவ் கோஷ் சொல்கையில். ‘என்னைய்யா கத விடறார்’, னு தோன்றும். ஆனால், அதுதான் உண்மை என்கிறது அமிதாவ் கோஷின், ’Smoke and Ashes’, புத்தகம். அமிதாவ் கோஷ் உலக இலக்கியத்தில் மிக முக்கியமான ஆளுமை. இந்தியாவில், இலக்கியத்துக்காக வழங்கப்படும் உயரிய விருதான, ‘ஞானபீட’, பரிசைப் பெற்றவர். இவரது Ibis Trilogy என அழைக்கப்படும், ‘Sea of Poppies’, ‘River of Smoke’ and ‘Flood of Fire’, என்னும் புகழ் பெற்ற நாவல் வரிசையை எழுதியவர். இந்த நாவல்களுக்காக அவர் செய்த ஆய்வுகளை, ஒரு வரலாற்றுக் குறிப்பாக ‘Smoke and Ashes’, என்னும்  இந்தப் புத்தகத்த...
Read more

உணவு சுற்றுலா - நூல் அறிமுகம்.

Image
உணவு சுற்றுலா நூலின் தலைப்பு: உணவு சுற்றுலா  ஆசிரியர்: மருத்துவர் வி. விக்ரம் குமார்  வெளியீடு: இந்து தமிழ் திசை  விலை: ₹200 "உணவுப் பொருளைத் திருத்தத் தெரிந்தால் உடலைப் பேணத் தெரியும்" என்பது பாவேந்தரின் வாக்கு. உணவு என்பது வெறும் நாவிற்கான சுவை மட்டுமல்ல; அது ஒரு நிலத்தின் பண்பாடு, வரலாறு மற்றும் தட்பவெப்பநிலையோடு பின்னிப் பிணைந்த ஓர் அறிவியல். அந்த உயரிய வாழ்வியல் மெய்யியலை, ஒரு மருத்துவரின் நுட்பமான தேடலோடும், ஒரு பயணியின் ரசனையோடும் பதிவு செய்துள்ளார் மருத்துவர் வி. விக்ரம் குமார். 'இந்து தமிழ் திசை' வெளியீடாக வந்துள்ள இந்நூல், நம் மண்ணின் மறைந்து வரும் சுவைகளை மீட்டெடுக்கும் ஒரு அரிய ஆவணப் பதிவாகும். ஒவ்வொரு நிலப்பரப்பிலும் விளையும் பொருட்களுக்கு என்று ஒரு தனித்துவமான குணமுண்டு. எந்தக் காலத்தில் எதை உண்ண வேண்டும், எதனைத் தவிர்க்க வேண்டும் என்ற தெளிவான பகுத்தறிவோடு உணவைக் கையாளுவதே 'உணவுத் திருத்தம்' ஆகும். பொதுவாக, ருசியான பண்டங்கள் ஆரோக்கியத்திற்கு உகந்தவை அல்ல என்ற ஒரு பொதுப் பிம்பம் உண்டு. ஆனால், ஒரு மருத்துவராகத் தான் கண்டடைந்த உண்மைகளின்...
Read more

கற்பது உலகளவு - நூல் அறிமுகம்.

Image
தகடூர் புத்தகப் பேரவை நூல் அறிமுகம். நூல்: கற்பது உலகளவு  கல்வியாளர் தா.நெடுஞ்செழியன் விகடன் பிரசுரம். நூல் அறிமுகம்: இ. தங்கமணி . --------+++++++------++------- கல்விதான் சமூகத்துக்கு வேர். ஒரு தேசம் கல்வியை எவ்வாறு புரிந்து கொள்கிறது, அடுத்த தலைமுறைக்கு எப்படி கல்வியை எடுத்து செல்கிறது என்பதில்தான் அத்தேசத்தின் வளர்ச்சியும் பொருளாதார முன்னேற்றமும் அடங்கி இருக்கிறது. கல்வி என்பது ஓர் இனிமையான பயணம். ஒரு குழந்தை பிறந்ததும் எப்படி இயல்பாக மொழியை கற்றுக் கொள்கிறதோ அப்படி ஒரு நிகழ்வுதான் கல்வியும்.  இந்தியாவைப் பொறுத்தவரை கல்வி அறிவு பெற்று மனிதவளம் மிகுந்திருப்பது தமிழகத்தில்தான். கல்வியை முறைப்படுத்தி தகுந்த தரத்தில் வழங்கினால் தமிழகம் உலகத்தை வழிநடத்தும் வல்லமை பெறும். புதிய தொழில்நுட்பங்கள் வரவர அதற்கு ஏற்ப திட்டங்களையும் கற்பித்தல் முறைகளையும் உருவாக்க வேண்டும். மாணவர்கள் உலகளாவிய வாய்ப்புகளுக்கு எப்படி எல்லாம் தங்களை தயார் செய்து கொள்ள வேண்டும். பொருத்தமான கல்வியை எவ்வாறு தேர்வு செய்வது என்றெல்லாம் விரிவாக பேசுகிறது இந்நூல்.  நூலாசிரியர் தா.நெடுஞ்செழியன் ...
Read more